५ जिल्ला कोरोनामुक्त, उपत्यकामा १४४ थपिए
हेल्थपाटी - मंसिर ०७, २०७८ १६:१९ मा प्रकाशित
अ +
अ -
देशभर अझै ७२ जिल्लामा सक्रिय संक्रमित रहेका छन् । स्वास्थ्य मन्त्रालयले दिएको जानकारी अनुसार मंगलबार दिउँसोसम्म देशका ५ जिल्लामा सक्रिय संक्रमितको संख्या शून्य छ । प्रदेश १ को ओखलढुंगा र गण्डकी प्रदेशको मनाङ जिल्ला अहिले कोरोनामुक्त छन् ।
त्यसपछि कर्णाली प्रदेशका तीन जिल्ला हुम्ला, डोल्पा, जाजरकोटमा पनि अहिले सक्रिय संक्रमितको संख्या शून्य रहेको स्वास्थ्य मन्त्रालयले जानकारी दिएको छ ।
५०० भन्दा बढी सक्रिय संक्रमित रहेका जिल्ला अहिले काठमाडौं र ललितपुर मात्रै छन् । ९ जिल्लामा २०० भन्दा बढी र ५०० भन्दा कम सक्रिय संक्रमित छन् ।
२४ घण्टामा काठमाडौं उपत्यकाका तीन जिल्लामा १४४ जना नयाँ संक्रमण पुष्टि भएको छ । काठमाडौंमा १०५। ललितपुरमा ३० र भक्तपुरमा ९ जना नयाँ संक्रमित थपिएका छन् ।
तपाईँको अभिमत