कतारमा सबै प्रवासीको सुरक्षा : कामदारलाई दैनिक तलवको व्यवस्था
क्याम्पमा खाना, पानी, मास्क र ह्याण्ड सेनेटाइजरको व्यवस्था
काठमाडौं, ९ चैत । कतार सरकारको सबै प्रवासी कामदारलाई कोरोना भाइरस संक्रमणबाट जोगाउने बाचा गरेको छ । मानव अधिकारवादी संस्था एमनेष्टी इन्टरनेशनलले औद्योगिक क्षेत्रमा रहेका लाखौँ प्रवासी कामदार संक्रमणको जोखिममा रहेको बताएपछि कतार सरकारले आफू आफ्ना नागरिक सहित सबै प्रवासी कामदारको रक्षा गर्न कुनै कसर बाँकी नराख्ने प्रतिवद्धता जनाएको हो ।
एमनेष्टीले कामदारहरुलाई भीडमा अव्यवस्थित वातावरणमा राख्नुका साथै पानीको व्यवस्था समेत नगरि अमानविय व्यवहार गरिरहेको भन्दै कतारको ध्यानाकर्षण गराएको थियो । दि गार्डियन पत्रिकाले कतारमा प्रवासी कामदारलाई कैदी सरह राखेको र क्यौ कामदारलाई तलवविना राखेको भनी समाचार प्रकाशित गरेको थियो । सरकारले निकालेको बक्तव्यमा औद्योगिक क्षेत्रमा कोरोना पोजेटिभ पुष्टि भएकाे र शंकास्पद कामदारहरुलाई उच्च निगरानीमा राखेर उपचार सुरु गरिएको उल्लेख गरिएको छ ।
कामदार राखिएको क्याम्पमा खाना, पानी, मास्क र ह्याण्ड सेनेटाइजरको व्यवस्था गरिएको जानकारी दिँदै कामदारलाई तालिकाअनुसार दैनिक तलवको व्यवस्था मिलाइएको पनि विज्ञप्ति मार्फत जानकारी दिइएको छ । कतारमा हालसम्म ४ सय ८० जनामा संक्रमणको पुष्टि भएको छ । कतारमा अहिलेसम्म संक्रमणका कारण एक जनाको पनि मृत्यु भएको छैन । कतारमा औद्योगिक क्षेत्र बन्द गरिनुका साथै पार्क, सिनेमा सहित भीड हुने स्थान बन्द गरिसकेको छ ।
तपाईँको अभिमत